الكتاب عظيم جدًّا من وجهة نظري. فكرني بكتاب (كيف تعمل الماركسية ) لـ‘‘كريس هيرمان’’ واللي حوالي 40% منه نقد حاد للرأسمالية، بس الكتاب ده مُخصَّص لنقد الرأسمالية، ودحض أكاذيبها زي ما بيقولوا.
وميزة الكتاب كمان هو التنوّع الكبير والضخم في الأمثلة على كل نقطة، والقدرة على الربط ببعضه، عن دور الفرد ورؤية الرأسمالية للفرد الواحد، وعن أهمية التعليم ودوره، أهمية وجود عدد من رواد الأعمال في البلاد النامية، ضرر المؤسسات الرأسمالية الكبرى زي البنك الدولي وصندوق النقد. وغيره من الأمثلة المهمة جدًّا، واللي بتفتح مجالات وأفكار حلوة.. عامة هو مشروع كامل لنقد الرأسمالية ومتبعي الرأسمالية؛ سواء أشخاص أو حاجات كبيرة.
الكتاب اتكتب بعض أزمة 2008 المالية العالمية فكان في تركيز على كم الكوارث اللي ممكن تؤديها الرأسمالية، وخاصةً رأسمالية حرية السوق، أو أتباع سياسيات الأسواق الحرة المفتوحة؛ وده فإنه مؤمن بنوع معيّن من الرأسمالية، واللي أقرب لنُظم الدول الإسكندنافية زي السويد كده.
ممتن جدًّا للكتاب ده والله في حياتي، رغم إني كالعادة والطبيعي نسيت أغلبه بس فتحلي دماغي في طرق تفكير ورد على حاجات كتير.
الكتاب سهل ممكن أي حد يقراه ويستفيد منه جدًا.
-
(4/5)
تعليقات
إرسال تعليق